ಸಖಿ ಗೀತೆ....98

ಸಖಿ.....

ನಿಜಕ್ಕೂ ಗೊತ್ತಾಗುತ್ತಿಲ್ಲ
ನಾನೇ ಹೀಗೇನಾ
ಎಲ್ಲಾ ಗಂಡಂದಿರೂನಾ?

ನನ್ನಾಕೆ ಅಪರೂಪಕ್ಕೊಮ್ಮೆ
ನನ್ನ ಪ್ರೀತಿಸ್ತೀನೆ ಎಂದಾಗೆಲ್ಲಾ
'ನಾನೂ ಕೂಡಾ' ಎನ್ನುತ್ತೇನೆ.

' ದ್ವೇಷಿಸ್ತೇನೆ' ಎಂದಾಗಲೂ
'ಪರವಾಗಿಲ್ಲ ಬಿಡು' ಎಂದು
ಮುದ್ದಾಡಿದ್ದೇನೆ..

ಆದರೆ ನನಗೆ ಗೊತ್ತಾಗುತ್ತಿಲ್ಲ
ನನ್ನವಳು ಮಾತ್ರ ಹೀಗೇನಾ
ಎಲ್ಲಾ ಹೆಂಡಂದಿರೂನಾ?

'ನಿನ್ನ ತುಂಬಾ ಪ್ರೀತಿಸ್ತೀನಿ' ರಾಣಿ
ಎಂದರೆ 'ನಿಜವಾಗಲೂನಾ?'
ಎಂದು ಅನುಮಾನಿಸುತ್ತಾಳೆ.

'ಇಲ್ಲಾ ದ್ವೇಷಿಸ್ತೇನೆ' ಎಂದರೆ
'ನನಗೆ ಗೊತ್ತಿತ್ತು' ಎಂದು
ಮುನಿಸಿಕೊಳ್ಳುತ್ತಾಳೆ.

ಇಂತಾ ಅನುಭವ ಆಗಿದ್ದು
ನನಗೊಬ್ಬನಿಗೇನಾ 
ಇಲ್ಲಾ ನಿಮಗೂನಾ?

ಸರಿಯಾಗಿ
ಉತ್ತರಿಸೋರಿಗಿದೆ
ಬಹುಮಾನ.

-ಯಡಹಳ್ಳಿ